ក្លឹបសារិការព្រៃ Newcastle United ត្រូវគេរាយការណ៍មកថា កំពុងត្រៀមកញ្ចប់ទឹកប្រាក់៤០លានអឺរ៉ូដើម្បីនាំយកខ្សែបម្រើប្រយុទ្ធ Eden Hazard ពី Real Madrid នៅខែមករាខាងមុខនេះ។

កីឡាករសញ្ជាតិប៊ែលហ្ស៊ិកក៏មានបំណងក្នុងការចាកចេញដូចគ្នា ក្រោយរូបគេហាក់មិនស្ថិតនៅក្នុងគម្រោងប្រើប្រាស់របស់គ្រូបង្វឹក Carlo Ancelotti នៅទឹកដី Santiago Bernabeu ឡើយនៅរដូវកាលនេះ។

យ៉ាងណាក្តី ប្រធានក្លឹប Real Madrid លោក Florentino Perez នឹងទទួលយកសំណើរពីគ្រប់ក្រុមទាំងអស់បើសិនជាទទួលបានទឹកប្រាក់៥០លានអឺរ៉ូសម្រាប់ការចរចារចង់បានសមាជិក Lille និង Chelsea ខាងលើនេះ។

គួរឱ្យដឹងថា Eden Hazard បានសម្រេចការផ្លាស់មកកាន់ Real Madrid កាលពីឆ្នាំ២០១៩ក្នុងតម្លៃខ្លួន១១៥លានអឺរ៉ូ ដោយរូបគេបង្ហាញខ្លួនបាន៥៩ប្រកួត ដោយស៊ុតបញ្ចូលទីបានត្រឹម៥គ្រាប់តែប៉ុណ្ណោះ។