ការនាំមុខ០ទល់នឹង២របស់ Manchester United លើ Aston Villa មានសុពលភាពត្រឹមនាទី៧៦ប៉ុណ្ណោះ ក្នុងការប្រកួត Premier League នៅថ្ងៃសៅរ៍ ទី១៥ ខែមករា ឆ្នាំ២០២២។

Bruno Fernandes ជាអ្នករកបានគ្រាប់បាល់នាំំមុខទាំង២គ្រាប់នេះ។ ផ្ទុយទៅវិញ អ្វីៗបានប្រែប្រួល ក្រោយការប្ដូរចូលរបស់ Philippe Coutinho ក្នុងនាទី៦៨។

កីឡាករប្រេស៊ីលដែលត្រូវបាន Aston Villa ខ្ចីពី FC Barcelona បានបង្កើតឱកាសឲ្យមិត្តរួមក្រុមថ្មី Jacob Ramsey ទាត់បញ្ចូលទីនាទី៧៧ មុនរូបគេស៊ុតចូលដោយខ្លួនឯងនាទី៨២។

លទ្ធផលស្មើនេះក៏ធ្វើឲ្យ Manchester United មានសម្ពាធបន្ថែមទៀតក្នុងការប្រដេញយកកៅអី Top 4។ ក្រុមបិសាចក្រហមមាន៣២ពិន្ទុ ឈរលេខ៧ ក្រោមក្រុមលេខ៤ West Ham United ៥ពិន្ទុ តែ Man UTD លេងតិចជាង១ប្រកួត៕