Bayern តកុងត្រា Goretzka ដល់ឆ្នាំ២០២៦
Leon Goretzka បានបន្តកិច្ចសន្យាថ្មីនៅ Bayern Munich ដល់ឆ្នាំ២០២៦ ពីលើកិច្ចសន្យាចាស់របស់គេដែលផុតសុពលភាពក្នុងខែមិថុនា ឆ្នាំ២០២២។
កីឡាករវ័យ២៦ឆ្នាំរូបនេះដុះដាលចេញពីថ្នាលយុវជន Bochum ហើយចូលលេងក្រុមធំនៅទីនោះ និងបានលេងនៅ Schalke មុនចូលរួមជាមួយ Bayern Munich ក្នុងឆ្នាំ២០១៨ ដែលគេបានរួមចំណែកឈ្នះជើងឯក Bundesliga ៣ដង, UFEA Champions League មួយដង ក្នុងឆ្នាំ២០២០ នឹងរកបាន២៥គ្រាប់។
គេបានជាប់ឈ្មោះចូលរួមក្រុមជម្រើសជាតិអាល្លឺម៉ង់ កាល Euro 2020 កន្លងទៅ ដែលរួមចំណែកឡើងដល់វគ្គ១៦ក្រុមចុងក្រោយ ចាញ់អង់គ្លេស។ សរុបមកគេចូលលេងក្នុងក្រុមជម្រើសជាតិបាន៣៨ប្រកួតហើយ៕
