Lille គឺជាក្រុមជើងឯកក្របខណ្ឌកំពូលបារាំង ប្រចាំរដូវកាល២០២០/២០២១ តែអ្វីគួរកត់សម្គាល់នោះ គឺកីឡាករក្រុមធំរបស់ពួកគេក្នុងរដូវកាលនេះ បើបូកសរុបទៅ មានតម្លៃខ្លួនទាបជាង Neymar និង Kylian Mbappe បូកបញ្ចូលគ្នាទៅទៀត។

សរុបទៅ កីឡាករក្រុមធំ Lille ទាំងអស់ មានតម្លៃ២៣៩លានអឺរ៉ូ ខណៈ Kylian Mbappe និង Neymar មានតម្លៃសរុប២៧០លានអឺរ៉ូ។ នេះបើតាមការបង្ហាញពីវិបសាយ Transfermarket គិតត្រឹមដើមរដូវកាល២០២០/២០២១។

ប៉ុន្តែបន្ទាប់ពីបានរួមចំណែកជួយ Lille ឈ្នះជើងឯកក្របខណ្ឌកំពូលជាលើកទី៤រួចមក តម្លៃខ្លួនពួកគេបានហក់ដល់២៩០លានអឺរ៉ូ។

បើ Neymar វិញមានតម្លៃ១១០លានអឺរ៉ូ និង Mbappe និង Mbappe ១៦០លានអឺរ៉ូ។ ចំណែកកីឡាករផ្សេងៗទៀតរបស់ Paris Saint Germain ដូចជា Moise Kean (៣៥លានអឺរ៉ូ), Presnel Kimpembe (៤០លានអឺរ៉ូ), Mauro Icardi (៥៥លានអឺរ៉ូ), Marco Verratti (៦០លានអឺរ៉ូ) និង Marquinhos (៧០លានអឺរ៉ូ)៕