Antoine Griezmann អាចនឹងក្លាយជាមិត្តរួមក្រុមរបស់ Cristiano Ronaldo នាពេលខាងមុខ។

សារព័ត៌មាន Calciomercato រាយការណ៍ថា Barcelona គ្រោងយក Griezmann ដូរយក ​Paulo Dybala ពី Juventus។ ក្រុមអេស្ប៉ាញធ្វើបែបនេះដើម្បីចង់ចងជើង Lionel Messi ឲ្យនៅ Camp Nou បន្តទៀត។

Dybala មានទំនាក់ទំនងជិតស្និទ្ធជាមួយ Messi ក្នុងក្រុមជម្រើសជាតិអាហ្សង់ទីន ហើយរបៀបលេងរបស់គេក៏ត្រូវនឹង Barca ថែមទៀត។

ដោយឡែក Griezmann ក៏ត្រូវកាត់បន្ថយប្រាក់ឈ្នួលខ្លះដែរក្នុងដំណើរទៅលេងនៅអ៊ីតាលី។

ទស្សនៈមួយចំនួនគិតថា Griezmann មិនទាន់បង្ហាញអស់សក្ដានុពលក្នុងនាមកីឡាករ Barcelona នៅឡើយ។ ក្នុងរដូវកាលនេះគេទើបរកបាន៧គ្រាប់ និងអង្គុយកៅអីបម្រុងញឹកញាប់ពេលប៉ះក្រុមធំៗ។

ទន្ទឹមនឹងនេះស្ថានភាពរបស់ Dybala នៅ Juventus ក៏មិនសូវល្អដែរ។ បញ្ហារបួសធ្វើឲ្យគេលេងបានត្រឹម៨ប្រកួតនៅ Serie A ហើយរកបាន២គ្រាប់ និងបញ្ជូន២លើក។ គេមិនមែនជាដៃគូជាមួយ Cristiano Ronaldo ទេ គឺ Alvaro Morata ឯណោះទេ៕