Sheffield United បានបញ្ជាក់ថា លោក Chris Wilder បានចាកចេញពីក្លិបហើយ ក្រោយកាន់តំណែងអ្នកចាត់ការជិត៥ឆ្នាំ។

លោក Wilder បានចេញពីក្រុមដាវមួយគូដែលកំពុងស្ថិតនៅបាតតារាង មាន១៤ពិន្ទុពីការប្រកួត២៨លើក។

បុរសវ័យ៥៣ឆ្នាំដែលធ្លាប់ជាខ្សែការពារ Sheffield United ផងនោះបានចូលដឹកនាំក្រុមនេះក្នុងខែឧសភា​ ឆ្នាំ២០១៦ និងឡើងតាំងពី League One ដល់ក្របខណ្ឌកំពូល Premier League។

លោក Wilder ថ្លែងបែបនេះ “៖ធ្វើជាអ្នកចាត់ការ Sheffield United ពិតជាពិសេស និងមិនអាចបំភ្លេចបាន។”

ការចាកចេញនេះត្រូវបានក្លិបខាងលើបញ្ជាក់ថា ដោយមានការព្រមព្រៀងទៅវិញទៅមក។ ២៨ប្រកួតរដូវកាលនេះ ពួកគេឈ្នះតែ៤ដងប៉ុណ្ណោះ។

លោក Paul Heckingbottom ដែលជាអ្នកចាត់ការក្រុម U23 នឹងចូលកាន់តំណែងបណ្ដោះអាសន្នរហូតដល់ដាច់រដូវកាល។