ក្រុមបិសាចក្រហម Manchester United បានសម្រេចការផ្ទេរយកយុវជន Amad Diallo ពី Atalanta ក្នុងតម្លៃខ្លួន៣៧លានផោនកាលពីម្សិលមិញ។

តាមពិតទៅកិច្ចព្រមព្រៀងបានកើតឡើងតាំងពីទីផ្សារដោះដូរកីឡាករនៅខែតុលាមកម្ល៉េះ ប៉ុន្តែដោយសារតែការចរចារលក្ខខ័ណ្ឌផ្ទាល់ខ្លួនមិនត្រូវគ្នា ទើបពន្យារដល់ខែមករានេះតែម្តង។

ខ្សែបម្រើដែលកើតនៅឆ្នាំ២០០២បាននិយាយថា៖ “វាគឺជាសុបិន្តដែលក្លាយជាការពិតដែលខ្ញុំអាចសម្រេចការផ្លាស់មកកាន់ United។​ ខ្ញុំពិតជាខិតខំខ្លាំងណាស់ដើម្បីត្រៀមខ្លួនឱ្យរួចរាល់សម្រាប់ការបោះជំហានមួយនេះជាមួយនឹងក្លឹបដ៏អស្ចារ្យមួយនេះ។”

គួរឱ្យដឹងថា Amad Diallo ដែលដុះចេញពីយុវជនថ្នាល Boca Barco បានបង្ហាញខ្លួនឱ្យ Atalanta ចំនួន៤ប្រកួតដោយរកបាន១គ្រាប់ ក្នុងអំឡុងឆ្នាំ២០១៩-២១ មុននឹងសម្រេចការផ្លាស់មកកាន់ទឹកដី Old Trafford។