Greenwood ត្រូវបានជឿជាក់ថានឹងជំនួសតំណែងរបស់ Martial នៅពេលដ៏ខ្លីខាងមុខ
(BC-99)
Andy Cole បានជម្រុញឱ្យ Mason Greenwood រក្សាភាពអត់ធ្មត់និងរង់ចាំឱកាសរបស់គេក្នុងការដណ្តើមយកតំណែងជាខ្សែប្រយុទ្ធជំរើសដំបូងក្រុម Manchester United ។
Mason Greenwood បានទទួលនូវក្តីរីករាយរបស់ខ្លួននៅរដូវកាលទី១ជាមួយក្រុមបិសាចក្រហមបើទោះបីជាភាគច្រើននៃការបង្ហាញខ្លួនរបស់គេគឺជាការលេងនៅស្លាបស្តាំក៏ដោយក៏ខ្សែប្រយុទ្ធរូបនេះបានស៊ុតបញ្ចូលទីរបស់ខ្លួនអោយក្រុមបិសាចក្រហមភាគច្រើននៅពេលដែលគេបានឋិតនៅតំបន់ប្រយុទ្ធកណ្តាលដែរ។
ដោយបានឃើញពីសមត្ថភាពដ៏លេចធ្លោររបស់កីឡាករវ័យ១៨ឆ្នាំរូបនេះបែបនេះហើយទើប Andy Cole ដែលជាអតីតកីឡាករជួយអោយក្រុម Man Utd ឈ្នះពានរង្វាន់៣ក្នុងឆ្នាំ១៩៩៩បានលើកឡើងថាកីឡាករអង់គ្លេសរូបនេះគួរតែជាអ្នកពាក់អាវលេខ៩ជំនួសកីឡាករបារាំង Anthony Martial “ខ្សែប្រយុទ្ធដែលមានភាពជោគជ័យជាមួយក្លិបមួយនេះវាមានមិនច្រើនទេ។ ឱកាសរបស់គេ(Greenwood) និងចូលមកដល់ក្នុងបពេលឆាប់ៗនេះ គេគួរតែអត់ធ្មត់និងរង់ចាំឱកាសបន្តិច”។
Martial បច្ចុប្បន្នជាម្ចាស់អាវលេខ ៩ ហើយក៏ជាខ្សែប្រយុទ្ធជម្រើសដំបូងរបស់ក្លិបផងដែរដោយសារតែ Man Utd មិនមានជម្រើសណាក្រៅពីរូបគេនៅ Old Trafford ។ តែនៅពេលដែល Greenwood ទទួលបទពិសោធន៍បានកាន់តែច្រើនថែមទៀតប្រាកដណាស់ Martial និងក្លាយជាជម្រើសទី២វិញជាមិនខាន នេះបើតាមការលើកឡើងបន្ថែមពី Andy Cole ។
