បើយោងតាមប្រភព ​​Fabrizio Romano បានឲ្យដឹងថា ក្លិបមាន់ខ្នាយមាស Tottenham Hotspur បានយល់ព្រមទិញយកកីឡាករSergio Reguilon របស់អធិរាជស Real Madrid ក្នុងតម្លៃ ៣០លានផោន។ ជាមួយគ្នានោះ Spur ក៏បានយល់ព្រមលើលក្ខខណ្ឌលក់កីឡាករ Reguilon ត្រឡប់ទៅឲ្យ Real វិញ បន្ទាប់ពី Man UTD មិនយល់ព្រមលើលក្ខខណ្ឌមួយនេះ។

គួររំលឹកថា បិសាចក្រហម Manchester United បានព្យាយាមចរចារទិញយកកីឡាករវ័យ២៣ឆ្នាំរូបនេះជាច្រើនលើកច្រើនសារតែមិនបានសម្រេច ព្រោះលក្ខខណ្ឌមិនត្រូវគ្នា។ កីឡាករសញ្ជាតិអេស្ប៉ាញរូបនេះ ជំនាញលេងស្លាបឆ្វេង ហើយត្រូវបាន Real Madrid យកមកបណ្តុះបណ្តាលតាំងពីឆ្នាំ២០១៥ ហើយក៏ធ្លាប់ឲ្យ Sevilla ខ្ចីជើងកាលពីរដូវកាលមុនផងដែរ៕