Messi រីករាយដែលបានឃើញ Suarez សមជើងគ្នាជាមួយ Braithwaite
(BC-99)
Lionel Messi បានធ្វើការសរសើរជម្រុញទឹកចិត្តដល់ Martin Braithwaite អោយខិតខំសហការគ្នាជាមួយ Luis Suarez ដែលអាចចូលលេងវិញបានជាថ្មី។
បន្ទាប់ពីបានចូលរួមជាមួយក្លឹប FC Barcelona កាលពីខែកុម្ភៈ Braithwaite មិនមានឱកាសលេងជាមួយកីឡាករ Suarez និង Ousmane Dembele ឡើយដោយសារតែពួកគេបានរងរបួសរយៈពេលវែង។ ថ្វីត្បិតតែវត្តមានរបស់ Suarez ទំនងជានឹងជះឥទ្ធិពលអាក្រក់ដល់ Braithwaite ក៏ដោយក៏កីឡាករអន្តរជាតិដាណឺម៉ាករូបនេះកំពុងតែរីករាយដោយសង្ឃឹមថានឹងបានរៀនសូត្រពីកីឡាករធ្មេញដែកដូចដែលគេទទួលបានពី Messi ដែរ។
Messi បាននិយាយប្រាប់សារព័ត៌មានកីឡា GOAL ថា “បន្ទាប់ពីបានលេងជាមួយអតីតកីឡាករ Leganes រួចមកវាពិតជាមានការផ្លាស់ប្តូរច្រើនណាស់។ គេបានផ្តល់ទំនុកចិត្តច្រើនដល់ក្រុមព្រោះគេអាចធ្វើឱ្យមានភាពខុសប្លែកពីសព្វរាល់ដង ហើយក៏បានជួយខ្ញុំផ្ទាល់ដើម្បីក្លាយជាកីឡាករល្អជាមួយនឹងដំបូន្មានរបស់គេ និងរបៀបដែលគេយល់ឃើញពីបាល់ទាត់”។
ទាក់ទងនឹងការវិលត្រឡប់របស់ Suarez ដែលអាចរារាំងដល់រូបគេមិនបានជាប់ជាជម្រើស១១នាក់ដំបូង Braithwaite បាននិយាយថា “និយាយដោយស្មោះត្រង់ខ្ញុំមិនគិតអីចឹងនោះទេ។ ខ្ញុំពិតជារីករាយណាស់ដែល Luis ត្រឡប់មកវិញពីព្រោះនៅពេលដែលខ្ញុំមកដល់ទីនេះគាត់រងរបួសហើយខ្ញុំមិនបានលេងជាមួយគាត់ទេ។ ខ្ញុំចង់រៀនពីគាត់ដែលជាខ្សែប្រយុទ្ធឆ្នើមម្នាក់នៅលើពិភពលោកហើយខ្ញុំសប្បាយចិត្តណាស់ដែលគាត់បានត្រឡប់មកវិញ”។
គួរបញ្ជាក់ដែរថាក្រុម Barca កំពុងឋិតនៅកំពូលតារាង La Liga ដោយមានពីរពិន្ទុច្រើនជាងក្រុម Real Madrid មុននឹងការប្រកួតនេះត្រឡប់មកបញ្ចប់យរដូវកាលរបស់ពួកគេវិញនៅសប្តាហ៍នេះ ។
