(BC-99)

កីឡាការនីតេក្វាន់ដូខ្មែរ – អាមេរិក Casandre Nicole Tubbs បានបន្ថែមជ័យលាភីរបស់នាងជាមួយនឹងការទទួលបានមេដាយសំរឹទ្ធមួយនៅក្នុងព្រឹត្តិការណ៍ Costa Rica Taekwondo Open ឆ្នាំ ២០២០ នាទីក្រុង San Jose ដែលបានប្រារព្ធធ្វើឡើងនាពេលថ្មីៗនេះ។

Costa Rica Taekwondo Open គឺជាការប្រកួតតេក្វាន់ដូអន្តរជាតិដ៏មានកិត្យានុភាពបំផុតដោយមានអ្នកចូលរួមមកពីអឺរ៉ុបអាមេរិកខាងជើងអាស៊ីកណ្តាលនិងផ្នែកផ្សេងទៀតនៃពិភពលោក។

Tubbs ដែលតំណាងឱ្យប្រទេសកម្ពុជាក្នុងការប្រកួតកីឡាអាស៊ីអាគ្នេយ៍និងការប្រកួតដទៃទៀតបានដណ្តើមបានមេដាយសំរឹទ្ធក្នុងព្រិត្តិការណ៍ Costa Rica Taekwondo Open កាលពីម្សិល ម៉ិញនេះលើវិញ្ញាសារប្រកួតទម្ងន់៦២ គ.ក ក្រោយពីប្រកួតឈ្នះកីឡាករនីប្រេស៊ីល Raphaella Galacho។

កញ្ញា Tubbs លើកបង្ហាញមេដាយក្នុងអំឡុងពេលឈ្នះកន្លងមក

គួរបញ្ជាក់ថា Tubbs បានដណ្តើមបានមេដាយប្រាក់ក្នុងព្រឹត្តិការណ៍ SEA Games ឆ្នាំ ២០១៩ បន្ទាប់ពីចាញ់កីឡាការនីប្រទេសវៀតណាម Pham ក្នុងវគ្គផ្តាច់ព្រ័ត្រនៃប្រភេទទម្ងន់ ៦២ គ.ក នាប្រទេសហ្វីលីពីន។ ហើយវាជាការចាញ់លើកទី ២ របស់នាងចំពោះ Pham ដែលបានប៉ះគ្នាអំឡុងព្រឹត្តិការណ៍ Asia Games ឆ្នាំ ២០១៨ នៅប្រទេសឥណ្ឌូនេស៊ី។

កញ្ញា Tubbs ក្នុងអំឡុងពេលវិស្សមកាល