Barcelona ទម្លាក់តម្លៃខ្លួន Coutinho ដើម្បីផ្ទេរចេញទៅកាន់ក្របខណ្ឌ Premier League
យោងតាមសារព័តមាន Dail Express បានអោយដឹងថា Barcelona បានប្រកាសតម្លៃខ្លួនរបស់ខ្សែប្រយុទ្ធ Philippe Coutinho ត្រឹមតែ ៧៧លានផោនប៉ុណ្ណោះ ដើម្បីបញ្ចេញកីឡាកររូបនេះក្នុងទីផ្សារដោះដូររដូវក្តៅខាងមុន។
កាលពីឆ្នាំ ២០១៨ Barcelona បានចំណាយរហូតដល់ទៅ ១២០លានផោន ដើម្បីនាំយកីឡាករប្រេស៊ីលពីហង្សក្រហម Liverpool មកកាន់កីឡដ្ឋាន Camp Nou ប៉ុន្តែក្រោមការដឹកនាំរបស់គ្រូបង្វឹកថ្មីលោក Quique Setien ចង់អោយ Coutinho ចាកចេញនៅពេលបញ្ចប់រដូវកាលនេះ ព្រោះគ្មានគំរោងក្នុងការប្រើប្រាស់។
Philippe Coutinho ត្រូវបានក្រុមធំៗនៅអង់គ្លេសជាច្រើនចង់បានរូបគេដូចជា Manchester United, Manchester City, Chelsea, Tottenham Hotspur និងក្រុមចាស់ Liverpool ជាដើម។
ប៉ុន្តែក្នុងនោះ កុងត្រាខ្ចីជើងរបស់ Bayern Munich មានជំរើសក្នុងការទិញយក Coutinho ពេលបញ្ចប់កុងត្រាក្នុងតម្លៃ ១២០លានផោន។ បើសិនជា Bayern Munich យល់ព្រមទិញកីឡាករវ័យ ២៧ឆ្នាំ Barcelona ដាច់ខាតត្រូវទទួលសំណើរនេះ៕
