នៅរសៀលថ្ងៃទី១៩ ខែធ្នូ ឆ្នាំ២០១៩នេះ កីឡាការិនី កែ ឡេង បានឈ្នះមេដាយមាស ១គ្រឿងលើប្រភេទកីឡាប៉េតង់ វិញ្ញាសាវាយយកពិន្ទុ ក្រោយផ្តួលគូប្រកួតថៃ ក្នុងព្រឹត្តិការណ៍ប្រកួតជើងឯកប៉េតង់អាសុីលើកទី៣ នៅប្រទេសវៀតណាម (The 3rd Asian Boules Sport Confederation Petanque Championship 2019 – Vietnam)។

ដោយឡែកសម្រាប់ផ្នែកបុរសវិញ កីឡាករកម្ពុជា សុខ ចាន់មាន ក៏ដណ្តើមបានមេដាយមាស ១គ្រឿងផងដែរលើប្រភេទកីឡាប៉េតង់ វិញ្ញាសាវាយយកពិន្ទុ ក្រោយផ្តួលគូប្រកួតថៃ។

គួរ​ឱ្យដឹងថា ការប្រកួតកីឡាប៉េតង់អាស៊ី (The 3rd Asian Boules Sport Confederation Petanque Championship 2019 – Vietnam) ប្រារព្ធឡើងនៅទីក្រុងហាណូយប្រទេសវៀតណាម ចាប់ពីថ្ងៃទី ១៨-២២ ខែធ្នូ ឆ្នាំ២០១៩។