លីគកំពូលកម្ពុជារដូវកាលថ្មី២០២០ មាន១៣ក្លិបចូលរួម ចាប់គូរសៀលនេះ ខណៈអវត្តមានកំពង់ចាម
តាមការបញ្ជាក់របស់គណៈកម្មការប្រកួតបាល់ទាត់ជាតិកម្ពុជា CNCC បានឱ្យដឹងថានឹងរៀបចំការចាប់គូសម្រាប់ការប្រកួតក្របខណ្ឌ Metfone Cambodian League រដូវកាល២០២០ នាពហុកីឡដ្ឋានជាតិ ថ្ងៃអង្គារ ទី១៧ ខែធ្នូ ដោយមានការចូលរួមពីតំណាងក្លិបចំនួន១៣។
ក្លិបទាំង១៣មាន ព្រះខ័នរាជស្វាយរៀង, វិសាខា, ណាហ្គាវើលដ៍, បឹងកេត, អង្គរថាយហ្គឺរ, ភ្នំពេញក្រោន, ក្រសួងការពារជាតិ, សូលទីឡូអង្គរ, គិរីវង់សុខសែនជ័យ, អាស៊ីអឺរ៉ុបយូណាយធីត, នគរបាលជាតិ, អគ្គិសនីកម្ពុជា និងយុវជនសាលាបាល់ទាត់ជាតិបាទីអាយុក្រោម១៨ឆ្នាំ ខណៈកំពង់ចាមត្រូវអវត្តមាន។
ក្រៅពីប្រធានបទចាប់គូប្រកួតរៀងរាល់សប្ដាហ៍ គណៈកម្មការក៏មានលើកឡើងពីច្បាប់ថ្មីនានាដែលបានចងក្រងសម្រាប់រដូវកាលថ្មីដល់ក្លិបទាំង១៣ផងដែរ។ គួរបញ្ជាក់ថា ការប្រកួតក្របខណ្ឌ Metfone Cambodian League រដូវកាល២០២០ នឹងចាប់ផ្ដើមពីថ្ងៃទី១៥ ខែកុម្ភៈ ដល់ថ្ងៃទី២៥ ខែតុលា៕
រូបភាព & អត្ថបទ៖ CNCC