ក្រោយពីការប្រកួតពានរង្វាន់ EURO 2020 វគ្គជម្រុះបានបញ្ចប់ ហើយការចាប់ឆ្នោតបែងចែងពូលនឹងធ្វើឡើងនៅថ្ងៃស្អែកនេះនាវេលាម៉ោង១២យប់ ដោយមានផ្សាយបន្តផ្ទាល់តាមកញ្ចក់ទូរទស្សន៍ CBS ផងដែរ។ សម្រាប់ការចាប់ឆ្នោតព្រឹត្តិការណ៍បាល់ទាត់របស់ទ្វីបអឺរ៉ុបដែលធ្វើឡើង៤ឆ្នាំម្តងនេះនឹងប្រារព្ធឡើងនៅមជ្ឈមណ្ឌល ROMEXPO ដែលមានមូលដ្ឋាននៅទីក្រុង Bucharest នាប្រទេសរ៉ូមានី។

យ៉ាងណាក្តីមុននឹងធ្វើការចាប់ឆ្នោត យើងក៏បានដឹងអំពីក្រុមមួយចំនួនដែលឋិតនៅក្នុងពូលមួយចំនួនផងដែរ ដូចជា អ៊ីតាលី នៅពូល A, រុស្ស៊ី ដាណាម៉ាក និង បែលហ្ស៊ិក នៅពូល B, អង់គ្លេសនៅពូល D ហើយ​ អេស្ប៉ាញ នៅពូល E គឺដោយសារតែប្រទេសមួយចំនួនខាងលើនេះទទួលបានសិទ្ធធ្វើជាម្ចាស់ផ្ទះ។

គួរបញ្ជាក់ថា ការប្រកួតពានរង្វាន់ EURO 2020 ដែលធ្វើឡើងចំនួន១២ប្រទេសនឹងប្រព្រឹត្តឡើងចាប់ពីថ្ងៃទី១២ ខែមិថុនា ដល់ថ្ងៃទី១៤ ខែកក្កដា​ ដោយវគ្គពាក់កណ្តាលផ្តាច់ព្រ៍័ត និងវគ្គផ្តាច់ព្រ័ត ធ្វើឡើងនៅកីឡដ្ឋាន Wembley ប្រទេសអង់គ្លេស។