អ្នកប្រដាល់មុខញញឹមរបស់ថៃ ម៉ាណាវថង មានបំណងចង់សងសឹកជាមួយអ្នកប្រដាល់គុនខ្មែរចំនួនពីររូបដែលធ្លាប់ឈ្នះលើរូបគេក្នុងនោះមាន រឿង សោភ័ណ្ឌ និង ឡុង សុភី ការនិយាយបែបនេះបន្ទាប់ពីកីឡាករខេត្តសុរិន្ទ រូបនេះបានយកឈ្នះជើងខ្លាំង ធឿន ធារ៉ា អោយបោះបង់ការប្រកួតដោយសាររបួសដៃនៅព្រឹកថ្ងៃទី ២៦ ខែ តុលា ឆ្នាំ ២០១៩ នាសង្វៀន កម្ពុជាសង្វៀនគុនខ្មែរ ។

នៅពិធីករបានសួរទៅ ម៉ាណាវថង ថាតើកីឡាករគុនខ្មែររូបណាដែលគេចង់ប៉ះសម្រាប់ប្រកួតបន្ទាប់ ម៉ាណាវថង បានបញ្ជាក់ថា កីឡាករ រឿង សោភ័ណ្ឌ និង ឡុង សុភី ពីព្រោះគុនខ្មែរពីររូបនេះសុទ្ធតែធ្លាប់ឈ្នះរូបគេចាប់ពីពីរប្រកួតឡើងទៅ ដូចនេះហើយទើបគេចង់ជួបសារជាថ្មី ។

សូមបញ្ជាក់ថា នេះជាការឈ្នះដោយផ្តួលដៃគូមិនអោយពេញ៥ទឹកចំនួន៤ប្រកួតរបស់កូនសិស្សលោក ពៀកខាឃែរ រូបនេះពោលគេបានផ្តួល រឿង សារ័ត្ន  ឡុង វ៉ៃ ពុទ្ធ ឆារិទ្ធី និងចុងក្រោយ ធឿន ធារ៉ា នេះ ខណៈមូលហេតុដែលគេចង់ប៉ះកីឡាករខ្មែរពីររូបនេះជាងគេព្រោះ រូបគេធ្លាប់ចាញ់ រឿង សោភ័ណ្ឌ ចំនួន៣ដង និងចាញ់ ឡុង សុភី ចំនួន២ដង ពោលមិនដែលឈ្នះកីឡាករគុនខ្មែរពីរនេះនោះទេ ៕

រឿង សោភ័ណ្ឌ ប្រកួតជាមួយ ម៉ា ណាវថង