ខណៈដែលរដូវកាលថ្មី ២០១៩/២០២០​ របស់ក្របខ័ណ្ឌបាល់ទាត់កំពូលរបស់អង់គ្លេស Premier League និងចាប់ផ្តើមនៅសប្តាហ៍នេះ Admin ក៏ចង់បង្ហាញពីកីឡដ្ឋានរបស់ក្រុមខ្លាំងទាំង៦ជូនដល់ប្រិយមិត្តបានស្គាល់ផងដែរ ថាតើមានភាពស្រស់ស្អាតប៉ុណ្ណា និងផ្ទុកអ្នកទស្សនាបានចំនួនប៉ុន្មាន??

ដូច្នេះសូមតាមដានដូចខាងក្រោម៖

1- Arsenal: Emirates Stadium

កីឡដ្ឋានរបស់ក្រុមកាំភ្លើងធំកសាងឡើងក្នុងឆ្នាំ២០០៤ ដែលបានបើកដំណើរការផ្លូវការនៅឆ្នាំ ២០០៦ ចំណាយថវិការអស់ ៣៩០លានផោន ផ្ទុកអ្នកទស្សនាបាន ៦០២៦០ នាក់។

2- Chelsea: Stamford Bridge

Stamford Bridge កីឡដ្ឋានរបស់ក្រុមតោខៀវមានអាយុកាល ១៤៣ឆ្នាំ គឺបើកដំណើរការអោយប្រើប្រាស់ក្នុងឆ្នាំ ១៨៧៧ ប៉ុន្តែត្រូវបានជួសជុលកែលម្អរក្នុងឆ្នាំ ១៩៩៨ ម្តងដែរ អាចផ្ទុកអ្នកទស្សនាបាន  ៤០៩៥៣ នាក់។

3- Manchester United: Old Trafford 

ផ្ទះចាស់របស់បិសាចក្រហមក៏មានអាយុកាលមិនតិចដែរគឺ ១០៩ឆ្នាំ ដែលចាប់ផ្តើមបើកសម្ពោធន៏ក្នុងឆ្នាំ ១៩១០ អាចដាក់អ្នកទស្សនាបាន ៧៤៩៩៤នាក់។

4- Manchester City: Etihad Stadium

ក្រុមមេឃខៀវមានកីឡដ្ឋានផ្ទាល់ខ្លួនដែលអាចផ្ទុកអ្នកទស្សនាបានជាង ៥ម៉ឺន៥ពាន់នាក់ កីឡដ្ឋានមួយនេះចាប់ផ្តើមបើកដំណើរការក្នុងឆ្នាំ ២០០២ ប៉ុន្តែគិតមកដល់បច្ចុប្បន្នមានការកែប្រែច្រើនដំណាក់កាលទើបធ្វើអោយមានសោភ័ណ្ឌដូចសព្វថ្ងៃ។

5- Liverpool: Anfield 

កីឡដ្ឋានរបស់ហង្សក្រហមក៏មានវ័យចំណាស់មិនធម្មតាដែរ គឺប់ើកដំណើរការតាំងពីឆ្នាំ ១៨៨៤មកម្ល៉េះ បើរាប់ទៅមានអាយុកាល ១៣៥ឆ្នាំ អាចផ្ទុកអ្នកទស្សនាបានជាង ៥៤ពាន់នាក់។

6- Tottenham Hotspur: Tottenham Hotspur Stadium

ក្រុមបក្សា មាន់ខ្នាយមាស Spur ទើបតែសាងសង់កីឡដ្ឋានថ្មីរបស់ខ្លួនរួចរាល់កាលពីដើមឆ្នាំ ២០១៩នេះ ដែលចំណាយថវិការហូតដល់ទៅ ១ពាន់លានដុល្លារសហរដ្ឋអាមេរិកឯណោះ ដោយបានបំពាក់នៅបច្ចេកវិទ្យាទំនើបស្នាដៃចុងក្រោយបង្អស់យ៉ាងអស្ចារ្យ អាចដាក់អ្នកទស្សនាបានជាង ៦២ពាន់នាក់៕