Paul Pogba ចេញរឺមិនចេញពី Manchester United នៅមិនទាន់ច្បាស់ការនៅឡើយទេ គ្រាន់តែពេលនេះបិសាចក្រហមរកបានអ្នកជំនួសតំណែងរបស់គេបានបាត់ទៅហើយ។  Pogba ធ្លាប់បានប្រកាសថានិងចាកចេញពី Manchester United នៅមុនបើករដូវកាលថ្មី។

យ៉ាងណាក៏គ្រូបង្វឹក Ole Gunna Solskjaer នៅតែព្យាយាមជំនះរក្សាទុកខ្សែបំរើកណ្តាលរូបនេះអោយនៅជាមួយក្រុមបន្តទៀត។

រឿងបែកធ្លាយចេញពីសារព័តមាន Sky Sport បានផ្សាយថា បិសាចក្រហម​ ManU រកបានអ្នកជំនួសតំណែងនេះរួចរាល់ហើយ គឺដាក់គោលដៅលើកីឡាករ Milinkovic-Savic របស់ Lazio។ ដោយការចង់បាននេះ ManU ហ៊ានចំណាយ ៨០លានផោនដើម្បីបានកីឡាករជនជាតិស៊ែបមករួមក្លឹប ខណៈដែល Lazio បានដាក់តំលៃ១០០លានផោន។

ណាមួយក្លឹបកំពូលនៅលីកកសិកម្ម Paris S.G ក៏ត្រូវបានគេរំពឹងថានិងចូលរួមប្រជែងជាមួយក្លឹបយក្សផ្សេងទៀតដូចជា Juventus និង Real Madrid ដើម្បីយក Pogba ផងដែរ។ ដូច្នេះវាអាចទៅរួចដែរ ដែល​ Pogba និងចាកចេញពីបិសាចក្រហមនៅពេលឆាប់ៗនេះ។