រូបភាព: សហព័ន្ធបាល់ទាត់កម្ពុជា

ការប្រកួតបាល់ទាត់ក្នុងក្របខណ្ឌ AFF LG CUP U-22 2019 ដែលកម្ពុជាធ្វើជាម្ចាស់ផ្ទះ បានឈានចូលដល់ការប្រកួតវគ្គផ្តាច់ព្រ័ត្រហើយនៅថ្ងៃនេះ ក្នុងនោះក្រុមគោព្រៃជំទង់កម្ពុជាត្រូវប្រកួតដណ្តើមយកលេខ៣ ជាមួយក្រុមវៀតណាម ស្របពេលដែលក្រុមជំរើសជាតិថៃ ត្រូវប្រកួតដណ្តើមយកលេខមួយជាមួយនឹងឥណ្ឌូនេស៊ី។

រូបភាព: សហព័ន្ធបាល់ទាត់កម្ពុជា

គួរបញ្ជាក់ថាកម្ពុជានឹងវៀតណាម នឹងត្រូវប្រកួតនៅវេលាម៉ោង៣:៣០នាទីរសៀល ចំណែកឯ ថៃនិងឥណ្ឌូនេស៊ី គឺប្រកួតនៅម៉ោង៦:៣០នាទីល្ងាច។ ជាមួយគ្នានេះ ការចូលរួមទស្សនាក៏ដូចជាទៅចូលរួមគាំទ្រក្រុមជំរើសជាតិកម្ពុជានៅរសៀលនេះអាចនឹងថមថយជាងការប្រកួតរាល់ដង ដោយយោងទៅលើពេលវេលានឹងម៉ោងធ្វើការរបស់មន្រ្តីរាជការ និង ឯកជន ហើយក៏ចំម៉ោងសិក្សារបស់សិស្សនិសិត្សផងដែរ។

រូបភាព: សហព័ន្ធបាល់ទាត់កម្ពុជា

តែទោះបីជាយ៉ាងណាក៏នៅតែមានអ្នកទៅគាំទ្រនឹងលើកទឹកចិត្តដល់ក្រុមគោព្រៃជំទង់កម្ពុជា ជាមួយគ្នានោះប្រសិនបើពុកម៉ែបងប្អូនមិនបានទៅចូលរួមទស្សនាផ្ទាល់នោះទេ ក៏អាចមើលតាមការផ្សាយផ្ទាល់តាមកញ្ចក់ទូរទស្សន៍ MYTV និងមាន Live តាម Page សហព័ន្ធបាល់ទាត់កម្ពុជាផងដែរ៕