មុនការប្រកួតឈានមកដល់នៅថ្ងៃ សុក្រ ទី ១៦ វិច្ឆិកា វេលាម៉ោង ៥ និង ៣០ នាទីនាសង្វៀន ស៊ី អ៊ិន ស៊ី អ្នកប្រដាល់ថៃ ណាំខៈបួន បានបញ្ជាក់ថា ដៃរបស់គេកីឡាករគុនខ្មែរ វង្ស ណយ ដែលតែងតែប្រើ កែងផ្តួលដៃគូនោះរូបគេមិនមានអ្វីខ្លាចនោះទេ ព្រោះធ្លាប់មានបទពិសោធប្រកួតច្រើនមកហើយ ។

អ្នកប្រដាល់ខេត្តបុរីរ៉ាំលើកឡើងថាបានដឹងយ៉ាងច្បាស់ពី វង្ស ណយ ដែលជាអ្នកប្រដាល់ប្រើកែងល្អ ប៉ុន្តែដូចជាគ្មានអ្វីពិបាកនោះទេសម្រាប់អ្នកប្រដាល់ប្រភេទនេះព្រោះមានប្រវិត្តធ្លាប់ជួបកីឡាករ ប្រើកែងច្រើនរួចមកហើយ ។ ដូចនេះការជួប វង្ស ណយ គេនឹងប្រើកណ្តាប់ដៃទៅតបទៅវិញ ហើយជឿជាក់ថា១០០ភាគរយនឹងអាចយកបានជ័យជម្នះ ។

សួមបញ្ជាក់ថា ណាំខៈបួន មានប្រវិត្តប្រកួតនៅស្រុកខ្មែរច្រើនរួចហើយដែលរូបគេធ្លាប់ឈ្នះជើងខ្លាំង ខ្មែរមួយចំនួនដូចជា ឡុង សុវណ្ណឌឿន , ពុទ្ធ ឆាយរិទ្ធី , មឿន សុខហ៊ុច ខណៈរូបគេប្រកូតចុងក្រោយ ចាញ់អាសង្ហាគុនខ្មែរ ឡៅ ចន្ទ្រា ។ សម្រាប់ វង្ស ណយ មិនសូវបានជោគជ័យនោះទេសម្រាប់បីប្រកួត ចុងក្រោយនេះដោយចាញ់ក្រោមថ្វីដៃ ឃុនក្រុងថេប , កាំឡៃភេត និង ស៊ីងមុន្នី ជាដើម ៕