ទោះបីប្រកួតមិត្តភាពឈ្នះកម្ពុជា ៣ ទល់ ១ ប៉ុន្តែលោក Tan Cheng Hoe គ្រូបង្វឹកក្រុមជម្រើសជាតិម៉ាឡេស៊ី ទម្លាយថាសមាជិកដែលចូលរួមប្រកួតមិត្តភាពគ្រានោះត្រូវបានផ្លាស់ប្តូរដាក់ កីឡាករសំខាន់ៗមួយចំនួនបន្ថែម ពីព្រោះនេះជាការប្រកួតសំខាន់មិនមែនមិត្តភាព ទៀតនោះទេ ។

ក្នុងសន្និសីទព្រឹកមិញ គ្រូបង្គោលរូបនេះថា ក្រុមបានផ្លាស់ប្តូរសមាជិកជាង១០នាក់ឯណោះ។ ហើយកីឡាករដែលកោះហៅមកចួលរួមនេះសុទ្ធតែកីឡាករដែលមានបទពិសោធនឹងបាន ហ្វឹកហាត់ជុំគ្នាត្រៀមរួចរាល់អស់ហើយដោយជឿជាក់ថានឹងទទួលបានលទ្ធផលវិជ្ជមានត្រលប់ទៅវិញ ។ សូមបញ្ជាក់ថា កម្ពុជា នឹងប៉ះ ម៉ាឡេស៊ី បើកឆាកពូល A ក្នុងពាន AFF Suzuki Cup នាល្ងាចថ្ងៃទី០៨ ខែវិច្ឆិកានេះ នៅពហុកីឡដ្ឋានជាតិចាប់ពីម៉ោង ៦:៣០ នាទី ៕