Laurent Koscielny បាន​បង្ហើប​ឲ្យ​ដឹងនៅថ្ងៃនេះថា គាត់​ចង់​ចាកចេញពីក្លឹប​ Arsenal នៅ​រដូវកាលនេះ ដោយ​សារ​តែបញ្ហា​របួស​ធ្ងន់ ហើយ​មិនអាចចូលលេង រហូត​ដល់​ឆ្នាំក្រោយ។ ការពិត​ទៅ Koscielny នៅ​មាន​កុង​ត្រាជាមួយក្លឹប​កាំភ្លើង​ធំ Arsenal រហូត​ដល់ ២រដូវកាលទៀត ប៉ុន្តែ​គាត់បានបង្ហើប​ឲ្យ​ដឹងថា ប្រហែលជា​ពេលនេះ ជារដូវកាលចុងក្រោយហើយ។

Koscienlny និយាយថា៖ «ខ្ញុំមាន​​​កុងត្រាជាមួយ Arsenal ដល់​ខែមិថុនា ឆ្នាំ ២០២២។ ប៉ុន្តែក្រោយ​មក? ខ្ញុំ​គិត​ថា​នឹង​ចាក​ចេញ ប៉ុន្តែខ្ញុំមិន​ដឹងថាទៅណាទេ។​»

សូម​រម្លឹកជូនថា​ Koscielny បាន​រងរបួសធ្ងន់​ ក្នុងពេល​​ Arsenal ប្រកួត​វគ្គពាក់កណ្តាល​ផ្តាច់ព្រ័ត្រ Europa League ជាមួយ Atletico Madrid។ ការ​រងរបួសនេះហើយ ដែល​ធ្វើ​ឲ្យ​ Koscielny មិនអាច​លេង​ នៅក្នុងការ​ប្រកួត​បាល់ទាត់ដណ្តើម​ពានរង្វាន់ពិភពលោក World Cup ២០១៨ ក្នុងប្រទេសរុស្ស៊ី ជាមួយ​ក្រុម​ជម្រើសជាតិបារាំង៕