Steven Gerrard ឈានមុនគេ ក្នុង បញ្ជីបេក្ខភាពគ្រូបង្វឹកថ្មីរបស់ Ranger FC
អតីតខ្សែបម្រើជម្រើសជាតិអង់គ្លេស Steven Gerrard ឈានមុនគេ ក្នុងបញ្ជីបេក្ខភាពអ្នកចាត់ការថ្មីរបស់ក្លិប Ranger FC នៅលីគកំពូលស្កុតឡេន។ នេះបើតាមការបញ្ជាក់ពីសារពត៌មានBBC។
ការស្វែងរកបេក្ខភាព គ្រូបង្វឹកថ្មីនាពេលនេះ គឺដើម្បីជំនួសតំណែងលោក Graeme Murty ដែលនឹងចាកចេញពីតំណែងនៅដំណាច់រដូវកាលនេះ។
យ៉ាងណាក្តី គម្រោងជ្រើសរើស អតីតកីឡាករ Liverpool ខាងលើ អាចជួបបញ្ហា ដ្បិតរូបគេខ្វះបទពិសោធ។Steven Gerrard បច្ចុប្បន្នជាគ្រូបង្វឹកយុវជន អាយុក្រោម១៨ឆ្នាំរបស់ Liverpool ក្រោយចូលនិវត្តន៍ពីអាជីពជាកីឡាករបាល់ទាត់ កាលខែវិច្ឆិកា ឆ្នាំ២០១៦៕
